Credit Cards  

Posted by عمك ياض

محذوف لحين التحديث

0 comments

كتاب: لا تحزن  

Posted by عمك ياض

السلام عليكم ورحمة الله وبركاته





كتاب "لاتحزن" للدكتور عائض القرنى من اورع الكتب اللي شوفتها في حياتي ان لم يكن الافضل.. من الكتب القليلة جدا جدا اللي لما افتحها واقرا فيها بحس اني بغرق جواه.. عارفين لما تنزل البحر ويبقى فيه سحب وكل شيويه تلاقي نفسك بتخش جوا اكتر؟ هو كده بقه.. انا بكون عامل حسابي اقرا حاجه بسيطه وانزل ولا حاجه الاقي اني عشت مع نفسي فيه وافضل اقرا فيه لغايه ما العيال يعملوا فرح على الاف لافون

كتاب ممتع لاقصى درجة ومفيد بشكل فظيع بجد ولما بكون مضايق بجد ومن حاجات كبيرة واقرا فيه بجد بيروح همي.. كمان من الكتاب النادرة جدا اللي بحس اللي كاتبها عالم بجد.. يعني وانا بقرا بحس اني بقرا كتاب لشيخ حكيم وعنده خبره فظيعه في الحياة ماشاء الله.. فستفاد بجد بشكل كبير جدا من الخبرة الحياتية اللي كاتبها في الكتاب ونصايحه

الكتاب متوفر في اغلب المكتبات وهو اصدار مكتبة العبيكان.. 583 صفحة (معظمهم فقرات قصيره الفقرة حوالي نصف صفحة )

سعره حوالي 20 جنيه

Filed under 7 comments

المدونة دي عن ايه ؟!!  

Posted by عمك ياض

السلام عليكم ورحمة الله وبركاته


:S ازيكم ياشباب عاملين ايه ؟ ان شاء الله تكونوا قضيتو الاجازة عدل

من كام يوم كنت قاعد كده وعايز اشتري كذا حاجه.. اقلام و كشاكيل للكلية.. محفظة.. كذا حاجه في راسي عايز اشتريها وبدور عليها بس مش عارف ممكن الاقيها فين بالظبط..
فقولت اعمل المدونة دي احط فيها اي منتجات او اي حاجت جبتها وعجبتني وانصح الناس بيها..

من الاخر يعني لو جبت حاجه او شوفت حاجه كويسة اوي.. اي بتاع.. مكان للفطار حلو.. كتاب.. اي حاجه حقولكم عليها هنا.
وبالنسبه لاسم المدونه اللي هو الهلال والنجمه.. دي شركه بتعمل ادوات بلاستيكيه.. زي جرادل و وطباق ومقشات وحاجات كتير جدا وكانت زمان (ايام ماكنت بعمل المدونه) اعلانتها مغرفه الدنيا فحسيت اسمها مناسب للمدونه
فغالبا حغير اسم المدونه في المستقبل.

2 comments
Newer Posts