Green Lineالنهارده حكلمكم عن خط موبايل جديد نسبيا.. اللي هو 

خط جرين لاين ده اللي عملاه شركة اتصالات.. بتختار باقة من 3.. واحده منهم عباره عن اشتراك شهري 200 جنيه.. في المقابل بتاخد 650 دقيقة مجانا لاي خط موبايل + بتختار خط يكون اتصالات تكلمه 2000 دقيقه ببلاش

المميز في الخط انهم عاملين عرض لاول 10 الاف مشترك.. العرض بيقول انه خلال اول 6 شهور انت حتدفع الاشتراك مره وهم حيدفعوه مره.. يعني انت شهر حتدفع ال200 جنيه والشهر اللي بعده هم اللي حديفعوهالك. لمدة 6 شهور.. فكأنك بتدفع 100 جنيه كل شهر لكن في المقابل بتاخد مكالمات بقيمه 200 جنيه + ال2000 دقيقه ببلاش للرقم اللي بتختاره

فشايف العرض متميز 

ملاحظات:

- الخط ده خط مفتوح مش خط بكروت.. يعني خط بفاتوره.. ومتخافش يعني انت ممكن تتصل بيهم اي في وقت تعرف فاضلك كام من الدقايق المجانيه المسموحالك (اللي هم 650 دقيقه شهريا) وبالتالي لما يخلصو تقدر تخلي بالك من المكالمات..        
- نتيجه ان الخط مفتوح لازم بتدفع في الاول 200 جنيه تأمين بتاخدهم بعد 6 شهور تاني..

- الشركه بتدفعلك في الشهر الفري ال 200 جنيه فقط.. لكن لو مثلا كنت بعت مسجات او اي حاجه تانيه.. ساعتها بتدفع الفلوس الذياده دي بس.. يعني في الشهر الفري الشركه بتدفعلك الاشتراك اللي هو 200 جنيه وانت بتدفع باقي الفتاوره لو كنت بعت رسايل او اتكلمت اكتر من ال650 دقيقه او اي حاجه..
           
- تمن الخط نفسه 100 جنيه.. وبتختار نمرتك بنفسك من النت.. او ممكن تحول خطك الحالي بس فيه شرط مش فاكره

- الخط ده حيكون مفيد ليك لو انت بتتكلم باكتر من 100 جنيه في الشهر (انا بقول مكالمات مس مسجات)

لمذيد من المعلومات اضغط هنا

تحديث بتاريخ 09-3-23
فيه عرض جديد عاملينو برضه اسمه سوبر رصيد
العرض ده لخط اتصالات اهلا.. لو شحنت ب100 بيديك 210.. يعني ال100 جنيه تديك 525 دقيقه.. في حين ان الجرين لاين بيديك 650 + 2000 دقيقه لرقم معين بتختاره
لكن الميزه في عرض السوبر رصيد ان ال210 رصيد دول مش شرط تتكلم بيهم.. يعني ممكن تبعت بيهم رسايل او تعمل اللي انت عايزه.. مش مجرد دقائق اتصال فقط.. 
(لمذيد من المعلومات اضغط هنا) 

فالعرض ده مناسب اكتر لو حد بيعبت رسايل كتير او مش عايز يلتزم انه يصرف دايما 100 جنيه كل شهر (العرض على كل عروض الشحن)

النهارده حتكلم عن كشكول عجبني اوي.. الميزة في الكشكول حتلاقيها على التكت اللي موجود على الغلاف اللي ورا

104 gms

هي دي.. هم بيعبرو عن تخانه الورقه بوزنها بدال ما يقيسو تخانتها.. فوزن الورقه هنا بيعبر عن كثافة مادتها وتخانتها.. فكل ما وزنها يذيد ده معناه انك لما تكتب بالحبر عليه مش حيطبع على الناحيه التانيه او يبان في ضهر الورقه فمفتعرفش تقرا الكلام..

فدي حاجه تهم الناس اللي بتكتب بالحبر.. و104 ده متهايلي اعلى رقم شوفته.. والورق فعلا عالي الجوده جدا..

انصح بيه جدا..
 

الكشكول موجود في مكتبة سمير وعلي..

على فكره المكتبة فتحت فرع ليها جوا هندسة القاهرة.. فممكن طلبة الجامعه لو عايزين يشترو كشاكيل او افلام  ورف او اي ادوات مكتبيه.. يعدو الشارع بس ويخشو الكليه.. المكتبة موجوده تحت مبنى اعدادي وحتلاقو فيها كل حاجه..

على فكره الورق لونه بيج مش ابيض